آیت ۱۱:  وَکَمْ قَصَمْنَا مِنْ قَرْیَۃٍ کَانَتْ ظَالِمَۃً:   «اور کتنی ہی بستیوں کو ہم نے پیس ڈالا جو ظالم تھیں »

            ان کے باسی گنہگار، سرکش اور نا فرمان تھے۔ چنانچہ انہیں سزا کے طور پر نیست و نابود کر دیا گیا۔

            وَّاَنْشَاْنَا بَعْدَہَا قَوْمًا اٰخَرِیْنَ:   «اور پھر ان کے بعد ہم نے اٹھا کھڑا کیا دوسری قوموں کو۔»

            جیسے قومِ نوح کے بعد قومِ عاد کو موقع ملا اور قومِ عاد کے بعد قومِ ثمود نے عروج پایا اور اسی طرح یہ سلسلہ آگے چلتا رہا۔