آیت ۵۰   وَقَالُوْا لَوْلَآ اُنْزِلَ عَلَیْہِ اٰیٰتٌ مِّنْ رَّبِّہٖ: ’’اور وہ کہتے ہیں کہ کیوں نہیں نازل کی گئیں ان پر نشانیاں ان کے رب کی طرف سے؟‘‘

      مشرکین مکہ آئے دن یہ مطالبہ دہراتے رہتے تھے کہ اگر آپؐ نبی ہیں تو آپؐ کو معجزات کیوں نہیں دیے گئے؟ یہی وجہ ہے کہ قرآن میں بھی ان کا یہ مطالبہ تکرار کے ساتھ بیان ہوا ہے۔

      قُلْ اِنَّمَا الْاٰیٰتُ عِنْدَ اللّٰہِ: ’’آپؐ کہیے کہ نشانیاں (نازل کرنے کے اختیارات) تو اللہ ہی کے پاس ہیں ۔‘‘

      وَاِنَّمَآ اَنَا نَذِیْرٌ مُّبِیْنٌ: ’’اور میں تو صرف واضح طور پر خبردار کرنے والا ہوں ۔‘‘