آیت 47:    یٰٓـــاَیـُّــہَا الَّذِیْنَ اُوْتُوا الْـکِتٰبَ اٰمِنُوْا بِمَا نَزَّلْـنَا: ’’اے وہ لوگو جن کو کتاب دی گئی تھی! ایمان لاؤ اُس پر جو ہم نے نازل کیا ہے‘‘

            یہود کی شرارتوں پر لعنت و ملامت کے ساتھ ہی انہیں قرآن کریم پر ایمان کی دعوت بھی دی جا رہی ہے۔

             مُصَدِّقًا لِّمَا مَعَکُمْ: ’’جو اُس کی تصدیق کرتے ہوئے آیا ہے جو تمہارے پاس ہے‘‘

             مِّنْ قَـبْلِ اَنْ نَّطْمِسَ وُجُوْہًا فَنَرُدَّہَا عَلٰٓی اَدْبَارِہَآ: ’’اس سے قبل کہ ہم چہروں کو مٹا ڈالیں‘ پھر ان کو ان کی پیٹھوں کی طرف موڑ دیں‘‘

            یعنی چہرے اس طرح مسخ کر دیے جائیں کہ بالکل سپاٹ ہو جائیں‘ ان پر کوئی نشان باقی نہ رہے اور پھر انہیں پشت کی طرف موڑ دیا جائے کہ چہرہ پیچھے اور گدی سامنے۔ ُ  ّ

             اَوْ نَلْعَنَہُمْ کَمَا لَـعَنَّــآ اَصْحٰبَ السَّبْتِ: ’’یا ہم ان پر بھی اسی طرح لعنت کر دیں جس طرح ہم نے اصحابِ سبت پر لعنت کی تھی۔‘‘

            اصحابِ سبت کے واقعے کی تفصیل سورۃ الاعراف میں آئے گی‘ لیکن اجمالاً یہ واقعہ سورۃ البقرۃ میں آچکاہے۔

             وَکَانَ اَمْرُاللّٰہِ مَفْعُوْلاً: ’’اور اللہ کا حکم تو نافذ ہو کررہنا ہے۔‘‘