آیت 62:    فَکَیْفَ اِذَآ اَصَابَتْہُمْ مُّصِیْبَۃٌ بِمَا قَدَّمَتْ اَیْدِیْہِمْ: ’’پھر اُس وقت کیا ہوا جب ان پر کوئی مصیبت آ گئی ان کے اپنے ہاتھوں کے کرتوتوں کی وجہ سے‘‘

            وہ چیختے چلاتے آئے کہ عمر نے ہمارا آدمی مار ڈالا‘ ہمیں اس کا قصاص دلایا جائے۔

             ثُمَّ جَآؤُوْکَ یَحْلِفُوْنَق بِاللّٰہِ: ’’پھر وہ آپ کے پاس آئے اللہ کی قسمیں کھاتے ہوئے‘‘

             اِنْ اَرَدْنَــآ اِلَّآ اِحْسَانًا وَّتَوْفِیْقًا: ’’کہ ہم تو صرف بھلائی اور موافقت چاہتے تھے۔‘‘

            ہم تو عمر  کے پاس محض اس لیے گئے تھے کہ کوئی مصالحت اور راضی نامہ ہو جائے۔