آیت ۳۱:  وَمَآ اَنْتُمْ بِمُعْجِزِیْنَ فِی الْاَرْضِ: ’’اور تم زمین میں (اللہ کو) عاجز کرنے والے نہیں ہو۔‘‘

        یہاں اس فقرے کے بعد ’’وَلَا فِی السَّمَاءِ‘‘ کے الفاظ گویا محذوف ہیں۔ جیسا کہ سورۃ العنکبوت میں فرمایا (وَمَآ اَنْتُمْ بِمُعْجِزِیْنَ فِی الْاَرْضِ وَلَا فِی السَّمَآءِ) (آیت: ۲۲) ’’اور تم اسے عاجز کرنے والے نہیں ہو زمین میں اور نہ آسمان میں‘‘۔ بہر حال اللہ کی مشیت کوکوئی نہیں روک سکتا، وہ فَعَّالٌ لِّمَا یُرِیْدُ ہے۔ وہ جو ارادہ کر لیتا ہے کر گزرتا ہے، اس میں کوئی رکاوٹ نہیں ڈال سکتا۔

         وَمَا لَـکُمْ مِّنْ دُوْنِ اللّٰہِ مِنْ وَّلِیٍّ وَّلَا نَصِیْرٍ: ’’اور تمہارے لیے اللہ کے سوا نہ کوئی کارساز ہے اور نہ مددگار۔‘‘