آيت 56:  هَذَا نُزُلُهُمْ يَوْمَ الدِّينِ:  «يه هو گى ان كى ابتدائى ضيافت جزا كے دن».

يهاں پر ان تين گروهوں كا بيان مكمل هو گيا، ياد رهے كه سورة الرحمن ميں جهنم اور جنت كے حوالے سے ان تينوں گروهوں كا تذكره سورت كے آخر ميں آيا تھا، جبكه يهاں ان كا ذكر سورت كے آغاز ميں آيا هے. يعنى دونوں سورتوں كے مضامين معكوس ترتيب سے بيان هوئے هيں. اسى عكسى ترتيب كے تحت اب سورت كے دوسرے ركوع ميں وه مضمون آ رها هے جو سورة الرحمن كے پهلے ركوع ميں بيان هوا هے. سورة الرحمن كے آغاز ميں الله تعالى كى خلاقى اور صنّاعى كا ذكر هے كه الله نے آسمان بنائے، زمين بنائى، زمين ميں دريا چلائے، سمندر پھيلائے، درياؤں اور سمندروں كى تهوں ميں عجيب وغريب قسم كے موتى اور مونگے پيدا كيے اور پهاڑوں جيسے بڑے بڑے جهازوں كا پانى كى سطح پر تيرنا ممكن بنايا. يه سب الله تعالى كى شان اور اس كى قدرتوں كے مظاهر هيں. چنانچه اسى انداز سے يهاں اس سورت ميں بھى الله تعالى كى قدرتوں اور صناعى كا ذكر هونے جا رها هے، ليكن پے در پے سوالات كے ساتھ بهت هى خوب صورت اور مؤثر انداز ميں: