دوسرے ركوع كى پهلى پانچ آيات ميں ثمراتِ ايمانى كا ذكر هے، ان ميں سے پهلا ثمره يه هے:

آيت 11:  مَا أَصَابَ مِنْ مُصِيبَةٍ إِلَّا بِإِذْنِ اللَّهِ:  «نهيں آتى كوئى مصيبت مگر الله كے اذن سے».

وَمَنْ يُؤْمِنْ بِاللَّهِ يَهْدِ قَلْبَهُ وَاللَّهُ بِكُلِّ شَيْءٍ عَلِيمٌ:  «اور جو كوئى الله پر ايمان ركھتا هے، وه اُس كے دل كو هدايت دے ديتا هے. اور الله هر چيز كا علم ركھنے والا هے».

ايمانِ حقيقى كے بدولت انسان كے دل كى گهرائيوں ميں يه يقين پيدا هو جاتا هے كه الله تعالى كے اذن كے بغير ايك پتّا تك جنبش نهيں كر سكتا. اس ليے اگر اس پر كوئى مصيبت بھى آ جاتى هے تو اس كا دل مطمئن رهتا هے كه يه الله كے حكم سے هى آئى هے اور يه كه ميرى بهترى اسى ميں هے:  ﴿وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ﴾ {البقرة: 216}.  «اور هو سكتا هے كه تم كسى شے كو ناپسند كرو اور وه تمهارے ليے بهتر هو. اور هو سكتا هے كه تم كسى چيز كو پسند كرو دراں حالے كه وهى تمهارے ليے برى هو. اور الله جانتا هے، تم نهيں جانتے». چنانچه اپنے اس ايمان اور يقين كى وجه سے ايك بنده مؤمن بڑى سے بڑى تكليف اور مشكل سے مشكل حالات ميں بھى نه تو دل ميں شكوه كرتا هے اور نه هى حرفِ شكايت زبان پر لاتا هے، بلكه وه هر حال ميں پيكر تسليم ورضا بنا رهتا هے كه اے الله! ميرى بھلائى تيرے هاتھ ميں هے: بِيَدِكَ الْخَيْرُ! تيرى طرف سے ميرے ليے خوشى آئے يا غم مجھے قبول هے، تيرى جو بھى رضا هو اس كے سامنے ميرا سر تسليم خم هے! بقولِ غالب:

هم بھى تسليم كى خُو ڈاليں گے

بے نيازى ترى عادت هى سهى!

          ظاهر هے اس مقامِ خاص تك صرف سچے اور مخلص اهلِ ايمان هى پهنچ پاتے هيں. ايمانِ حقيقى سے محروم دلوں كے نصيب ميں تسليم ورضا كى حلاوت كهاں:

نه شود نصيبِ دشمن كه شود هلاكِ تيغت

سر دوستاں سلامت كه تو خنجر آزمائى!

          علامه اقبال نے اپنے اس شعر ميں مقامِ تسليم ورضا كى بركات كا ذكر بڑے پُرشكوه انداز ميں كيا هے:

بروں كشيد زپيچاكِ   هست وبود مرا

چه عقده ها كه مقامِ رضا كشوو مرا!

(اس مقامِ رضا نے ميرے كيسے كيسے عقدے حل كر ديے هيں اور مجھے دنيا كى كيسى كيسى پريشانيوں سے نجات دلا دى هے.)

          خوئے تسليم ورضا كى وجه سے انسان اپنا بڑے سے بڑا مسئله بھى الله كے سپرد كر كے مطمئن هو جاتا هے اور جو انسان اس يقين سے محروم هے وه دن رات اسى پيچ وتاب ميں پڑا رهتا هے كه يه سب كيسے هو گيا؟ آخر يه ميرے ساتھ هى كيوں هوا؟ اگر ميں اس وقت ايسا كر ليتا تو اس نقصان سے بچ جاتا! اگر ميرا فلاں دوست عين وقت پر ايسا نه كرتا تو ايسا نه هوتا! كاش ميں يوں كر ليتا! كاش، اے كاش! ...... گويا انسان اگر مقامِ تسليم ورضا سے نا آشنا هو تو چھوٹے چھوٹے واقعات بھى اس كے دل كا روگ بن جاتے هيں اور اس كے پچھتاوے كبھى ختم هونے كا نام نهيں ليتے. (سورة الصّف، سورة الجمعه، سورة المنافقون اور سورة التغابن، يه چاروں سورتيں همارے «مطالعه قرآن حكيم كا منتخب نصاب» ميں شامل هيں، جس كے مفصل دروس كى ريكارڈنگ موجود هے. مزيد تفصيل كے ليے اس سے استفاده كيا جا سكتا هے.)

          اس حوالے سے يهاں يه وضاحت بھى ضرورى هے كه الله كى رضا پر راضى رهنے اور هر سختى يا تكليف كو اس كا فيصله سمجھ كر قبول كر لينے كا تعلق انسان كے ايمان اور دل سے هے. اس كا هرگز يه مطلب نهيں كه آپ كسى جرم كے خلاف قانونى چاره جوئى نه كريں يا اپنے ساتھ هونے والى كسى زيادتى كا بدله نه ليں. بهرحال ايمان كے ثمرات ميں سے پهلا ثمره يه هے كه حقيقى ايمان انسان كو مقامِ تسليم ورضا سے آشنا كرتا هے. ليكن اس كا تعلق چونكه انسان كے احساسات سے هے اس ليے يوں كهه ليجيے كه يه وه پھول هے جو بنده مؤمن كے دل كے اندر كھلتا هے، باهر سے نظر نهيں آتا. باهر سے نظر آنے والے بڑے پھول كا ذكر اگلى آيت ميں آ رها هے.