قرآن کریم > يونس >surah 10 ayat 90
وَجَاوَزْنَا بِبَنِي إِسْرَائِيلَ الْبَحْرَ فَأَتْبَعَهُمْ فِرْعَوْنُ وَجُنُودُهُ بَغْيًا وَعَدْوًا حَتَّى إِذَا أَدْرَكَهُ الْغَرَقُ قَالَ آمَنتُ أَنَّهُ لا إِلِهَ إِلاَّ الَّذِي آمَنَتْ بِهِ بَنُو إِسْرَائِيلَ وَأَنَاْ مِنَ الْمُسْلِمِينَ
اور ہم نے بنو اسرائیل کو سمند ر پار کرادیا، تو فرعون اور اُس کے لشکر نے بھی ظلم اور زیادتی کی نیت سے اُن کا پیچھا کیا، یہاں تک کہ جب ڈوبنے کا انجام اُس کے سر پر آپہنچا تو کہنے لگا : ’’میں مان گیا کہ جس خدا پر بنو اسرائیل ایمان لائے ہیں ، اُس کے سوا کوئی معبود نہیں ، اور میں بھی فرماں برداروں میں شامل ہوتا ہوں ۔ ‘‘
آیت ۹۰: وَجٰوَزْنَا بِبَنِیْٓ اِسْرَآئِیْلَ الْبَحْرَ: «اور ہم نے بنی اسرائیل کو پار اتار دیا سمندر ( یا دریا) کے»
فَاَتْبَعَہُمْ فِرْعَوْنُ وَجُنُوْدُہ بَغْیًا وَّعَدْوًا: «پھر ان کا پیچھا کیا فرعون اور اس کے لشکر وں نے سرکشی اور زیادتی کی غرض سے۔»
حَتّٰیٓ اِذَآ اَدْرَکَہُ الْغَرَقُ: «یہاں تک کہ جب پا لیا اُسے غرق نے»
یعنی جب فرعون غرق ہونے لگا تو:
قَالَ اٰمَنْتُ اَنَّہ لَآ اِلٰہَ اِلاَّ الَّذِیْٓ اٰمَنَتْ بِہ بَنُوْٓا اِسْرَآئِیْلَ وَاَنَا مِنَ الْمُسْلِمِیْنَ: «کہنے لگا کہ میں ایمان لایا کہ کوئی معبود نہیں سوائے اُس کے جس پر بنی اسرائیل ایمان لائے ہیں، اور میں (اُس کے) فرماں برداروں میں سے ہوں۔»