آیت ۱۱:  اِلاَّ الَّذِیْنَ صَبَرُوْا وَعَمِلُوا الصّٰلِحٰتِ:  «سوائے اُن لوگوں کے جنہوں نے صبر کی روش اختیار کی اور نیک اعمال کیے۔ »

            یعنی سب انسان ایک جیسے نہیں، کچھ ایسے بھی ہیں جن کو اللہ نے حقیقی ایمان کی نعمت سے نواز رکھا ہے اور ایمان کے نتیجے میں ان کے دل صبر کی دولت سے مالا مال ہیں اور ان کے کردار سے اعمال ِصالحہ کے نور کی کرنیں پھوٹتی ہیں۔

             اُولٰٓئِکَ لَہُمْ مَّغْفِرَۃٌ وَّاَجْرٌ کَبِیْرٌ:  «انہی کے لیے مغفرت اور بہت بڑا اجرہے۔ »