آیت ۱۱۳:  وَلاَ تَرْکَنُوْٓا اِلَی الَّذِیْنَ ظَلَمُوْا:  «اور کوئی جھکاؤ پیدا نہ کرنا ان لوگوں کی طرف جنہوں نے ظلم کیا»

            یہ خالص حق اور باطل کی کش مکش ہے، اس میں کہیں کوئی رشتہ داری کا معاملہ، کوئی پرانے مراسم، قبیلے کی محبت وغیرہ عوامل تم لوگوں کو کسی لمحے ان کی طرف جھکنے پر مائل نہ کریں۔

             فَتَمَسَّکُمُ النَّارُ وَمَا لَکُمْ مِّنْ دُوْنِ اللّٰہِ مِنْ اَوْلِیَآءَ ثُمَّ لاَ تُنْصَرُوْنَ:  «(اگر ایسا ہوا) تو تمہیں آگ پکڑ لے گی، پھر تمہارے لیے اللہ کے سوا کوئی حمایتی نہیں ہوں گے، پھر تمہاری مدد نہیں کی جائے گی۔»