آیت ۳:  وَّاَنِ اسْتَغْفِرُوْا رَبَّکُمْ ثُمَّ تُوْبُوْٓا اِلَیْہِ یُمَتِّعْکُمْ مَّتَاعًا حَسَنًا اِلٰٓی اَجَلٍ مُّسَمًّی وَّیُؤْتِ کُلَّ ذِیْ فَضْلٍ فَضْلَہ:  «اور یہ کہ اپنے رب سے استغفار کرو، پھر اُس کی جناب میں توبہ کرو، وہ تمہیں (دُنیوی زندگی میں) مال و متاع دے گا بہت اچھا ایک وقت معین ّتک اور ہر صاحب فضل کو اُس کے حصے کا فضل عطا کرے گا۔ »

            یہاں ذِیْ فَضْلٍ سے مراد ہے «مستحق ِفضل»۔  یعنی جو بھی فضل کا مستحق ہو گا، اللہ تعالیٰ اُسے اپنا فضل ضرور عطا فرمائے گا۔

             وَاِنْ تَوَلَّوْا فَاِنِّیْٓ اَخَافُ عَلَیْکُمْ عَذَابَ یَوْمٍ کَبِیْرٍ:  «اور اگر تم پھر جاؤ گے تو مجھے اندیشہ ہے تم پر ایک بڑے ہولناک دن کے عذاب کا۔ »