آیت ۱۱:  یُـنْبِتُ لَـکُمْ بِہِ الزَّرْعَ وَالزَّیْتُوْنَ وَالنَّخِیْلَ وَالْاَعْنَابَ وَمِنْ کُلِّ الثَّمَرٰتِ:  «وہ اُگاتا ہے تمہارے لیے اس (پانی) سے کھیتی اور زیتون اور کھجوریں اور انگور اور ہرقسم کے پھل۔»

             اِنَّ فِیْ ذٰلِکَ لَاٰیَۃً لِّقَوْمٍ یَّتَفَکَّرُوْنَ:  «یقینا اس میں نشانی ہے ان لوگوں کے لیے جو غور وفکر کرتے ہیں۔»

            اللہ تعالیٰ کی شانِ خلاقی کے بے شمار انداز ہیں، اس کی تخلیق میں لامحدود تنوع، بوقلمونی اور رنگا رنگی ہے۔ چنانچہ اب ایک دوسرے پہلو سے اللہ تعالیٰ کی نعمتوں کا ذکر ہونے جا رہا ہے: