آیت ۵۹:  فَخَلَفَ مِنْ بَعْدِہِمْ خَلْفٌ:    «پھر جانشین ہوئے ان کے بعد ناخلف لوگ»

            «خَلْف» کا لفظ جب «ل» ساکن کے ساتھ آتا ہے تو اس کے معنی «ناخلف» کے لیے جاتے ہیں۔ یعنی اپنے اسلاف کے کردار کے خلاف عمل کرنے والے اور ان کی نیک نامی اور بزرگی کو بٹّہ لگانے والے لوگ۔

            اَضَاعُوا الصَّلٰوۃَ وَاتَّبَعُوا الشَّہَوٰتِ فَسَوْفَ یَلْقَوْنَ غَیًّا:    «انہوں نے نماز کو ضائع کر دیا اور خواہشات کی پیروی کی، تو عنقریب وہ ملیں گے گمراہی سے۔»

            یعنی عنقریب وہ گمراہی کے انجام سے دو چار ہوں گے۔