آیت ۵۸:  اُولٰٓئِکَ الَّذِیْنَ اَنْعَمَ اللّٰہُ عَلَیْہِمْ مِّنَ النَّبِيينَ:    «یہ ہیں وہ لوگ جن پر انعام فرمایا اللہ نے انبیاء میں سے»

            سورۃ النساء کی آیت: ۶۹ میں مُنْعَمْ عَلَیھِم لوگوں کے جن چار طبقات کا بیان ہے، ان میں سے اعلیٰ ترین طبقہ کے افراد یعنی انبیاء کرام کا یہاں اللہ کے انعامات کے حوالے سے تذکرہ فرمایا جا رہا ہے۔

            مِنْ ذُرِّیَّۃِ اٰدَمَ وَمِمَّنْ حَمَلْنَا مَعَ نُوْحٍ:    «اولادِ آدم میں سے، اور ان لوگوں (کی نسل) میں سے جنہیں سوار کرایا ہم نے (کشتی میں) نوح کے ساتھ»

            وَّمِنْ ذُرِّیَّۃِ اِبْرٰہِیْمَ وَاِسْرَآئِیْلَ وَمِمَّنْ ہَدَیْنَا وَاجْتَبَیْنَا:    «اور ابراہیم اور یعقوب کی نسل میں سے، اور ان میں سے جنہیں ہم نے ہدایت دی اور جنہیں ہم نے چن لیا۔»

            اِذَا تُتْلٰی عَلَیْہِمْ اٰیٰتُ الرَّحْمٰنِ خَرُّوْا سُجَّدًا وَّبُکِیًّا:    «جب تلاوت کی جاتیں ان پر رحمن کی آیات تو وہ گر پڑتے تھے (اللہ کی جناب میں) سجدہ کرتے ہوئے اور روتے ہوئے۔»