آیت 254:    یٰٓــاَیـُّـہَا الَّذِیْنَ اٰمَنُوْآ اَنْفِقُوْا مِمَّا رَزَقْنٰـکُمْ مِّنْ قَـبْلِ اَنْ یَّـاْتِیَ یَوْمٌ لاَّ بَیْعٌ فِیْہِ وَلاَ خُلَّـۃٌ وَّلاَ شَفَاعَۃٌ :   «اے اہل ایمان! خرچ کرو اُس میں سے جو کچھ ہم نے تمہیں دیا ہے اس سے پہلے کہ وہ دن آ دھمکے جس میں نہ کوئی خرید و فروخت ہو گی‘ نہ کوئی دوستی کام آئے گی اور نہ کوئی شفاعت مفید ہو گی۔ »

             وَالْکٰفِرُوْنَ ہُمُ الظّٰلِمُوْنَ:  «اور جو انکار کرنے والے ہیں وہی تو ظالم ہیں۔ »

            یہاں کافر سے مراد اصطلاحی کافر نہیں‘ بلکہ معنوی کافر ہیں‘ یعنی اللہ کے حکم کا انکار کرنے والے۔ جو شخص اللہ تعالیٰ کے اس حکم انفاق کی تعمیل نہیں کرتا‘ دیکھتا ہے کہ دین مغلوب ہے اور اس کو غالب کرنے کی جد وجہد ُہو رہی ہے‘ اس کے کچھ تقاضے ہیں‘ اس کی مالی ضرورتیں ہیں اور اللہ نے اسے مقدرت دی ہے کہ اس میں خرچ کر سکتا ہے لیکن نہیں کرتا ‘ وہ ہے اصل کافر۔