آیت ۶۰:  فَتَوَلّٰی فِرْعَوْنُ:   «تو اب فرعون نے رخ پھیرا»

            جب حضرت موسیٰ سے مقابلہ طے ہو گیا تو فرعون نے اپنی پوری توجہ اس کے لیے تیاری کرنے پر مرکوز کر دی۔

            فَجَمَعَ کَیْدَہُ ثُمَّ اَتٰی:   «چنانچہ اُس نے اپنے سارے ہتھکنڈے جمع کر لیے، پھر وہ (مقابلے میں) آ گیا۔»

            اس نے اپنی پوری مملکت سے ماہر جادو گروں کو اکٹھا کیا اور یوں پوری تیاری کے ساتھ حضرت موسیٰ کے مقابلے کے لیے میدان میں اُترا تا کہ ثابت کر سکے کہ آپ کا دعویٰ باطل ہے۔