آیت ۶۱:  قَالَ لَہُمْ مُّوْسٰی وَیْلَکُمْ لَا تَفْتَرُوْا عَلَی اللّٰہِ کَذِبًا فَیُسْحِتَکُمْ بِعَذَابٍ:   «موسی ٰ نے انہیں (خبردار کرتے ہوئے) کہا: تمہاری بد بختی! اللہ پر جھوٹ مت گھڑو، کہ وہ تمہیں غارت کر دے کسی عذاب کے ذریعے سے۔»

            حضرت موسیٰ نے آخری حجت کے طور پر انہیں خبردار کیا کہ دیکھو تم لوگ اللہ پر افترا بازی نہ کرو، میں جو کچھ پیش کر رہا ہوں یہ جادو نہیں ہے، یہ اللہ کا عطا کردہ معجزہ ہے۔

            وَقَدْ خَابَ مَنِ افْتَرٰی:   «اور یقینا وہ ناکام ہوا جس کسی نے بھی (اللہ پر) افترا کیا۔»