آیت ۶۹:  وَاَلْقِ مَا فِیْ یَمِیْنِکَ تَلْقَفْ مَا صَنَعُوْا اِنَّمَا صَنَعُوْا کَیْدُ سٰحِرٍ:   «اب تم ذرا پھینکو اس (عصا) کو جو تمہارے دائیں ہاتھ میں ہے، یہ نگل جائے گا اس سب کو جو کچھ انہوں نے بنایا ہے۔ جو کچھ انہوں نے بنایا ہے یہ تو بس ایک فریب ہے جادوگر کا۔»

            یعنی یہ جو کچھ میدان میں سانپوں کی صورت میں نظر آ رہا ہے اس کی حقیقت کچھ نہیں، محض نظر کا دھوکا ہے۔ عرفِ عام میں اس کیفیت کو«نظر بندی» کہا جاتا ہے۔

            وَلَا یُفْلِحُ السَّاحِرُ حَیْثُ اَتٰی:   «اور جادو گر کبھی کامیاب نہیں ہوا کرتا، چاہے کہیں سے بھی آئے۔»