آیت ۷۷:  وَلَقَدْ اَوْحَیْنَآ اِلٰی مُوْسٰٓی اَنْ اَسْرِ بِعِبَادِیْ:   «اور ہم نے موسی ٰ کو وحی کر دی تھی کہ میرے بندوں کو لے کر راتوں رات نکل جاؤ»

            ان کے مصر سے نکلنے کے لیے ایک رات کا مخصوص وقت طے کر دیا گیا تھا کہ اس رات جب قبطی لوگ اپنے اپنے گھروں میں نیند کے مزے لے رہے ہوں تو حضرت موسیٰ تمام اسرائیلیوں کو لے کر چپکے سے صحرائے سینا کی طرف نکل کھڑے ہوں۔

            فَاضْرِبْ لَہُمْ طَرِیْقًا فِی الْْبَحْرِ یَبَسًا:   «پس ان کے لیے سمندر کے اندر ایک خشک راستہ بنا لو»

            لَّا تَخٰفُ دَرَکًا وَّلَا تَخْشٰی:   «(اس کیفیت میں کہ) نہ پکڑے جانے کا خوف ہو اور نہ (ڈوبنے کا) کوئی اندیشہ۔»