آیت ۹۳:  اَلَّا تَتَّبِعَنِ:   «کہ آپ نے میری پیروی نہ کی؟»

            اس کا دوسرا ترجمہ یہ بھی ہو سکتا ہے «جو آپ میرے پیچھے نہ آ گئے»۔ یعنی آپ میرے پیچھے کوہِ طور پر کیوں نہ آگئے اور آ کر کیوں نہ مجھے بتایا کہ وہ لوگ یوں گمراہ ہو گئے ہیں۔

            اَفَعَصَیْتَ اَمْرِیْ:   «یا پھر آپ نے نا فرمانی کی میرے حکم کی؟»

اگرچہ عمر میں حضرت ہارون بڑے تھے مگر منصب نبوت کے اعتبار سے چونکہ حضرت موسیٰ کا رتبہ ان سے بڑا تھا اس لیے آپ نے اس انداز میں حضرت ہارون سے جواب طلبی کی۔