آیت ۲۹:  ثُمَّ لْیَقْضُوْا تَفَثَہُمْ:   «پھر چاہیے کہ وہ دور کریں اپنے میل کچیل»

            اس سے احرام کھول کر نہانا دھونا مراد ہے۔ حج کرنے والوں کے لیے ۱۰ ذو الحجہ کے دن چار افعال ضروری ہیں، یعنی رمی، نحر، حلق اور طواف۔ نحر اور حلق کے بعد احرام کھولو، پھر نہا دھو کر صاف لباس پہنو اور طوافِ زیارت کے لیے جاؤ۔

            وَلْیُوْفُوْا نُذُوْرَہُمْ وَلْیَطَّوَّفُوْا بِالْبَیْتِ الْعَتِیْقِ:   «اور اپنی نذریں پوری کریں اوراس قدیم گھر کا طواف کریں۔»