آیت ۱۳: لَوْلَا جَآؤُوْ عَلَیْہِ بِاَرْبَعَۃِ شُہَدَآءَ: «کیوں نہیں وہ لے کر آئے اس پر چار گواہ؟»

            اس طرح کے الزام کے ثبوت کے لیے چار گواہ پیش کرنے کا حکم اس سے پہلے سورۃ النساء، آیت: ۱۵ میں نازل ہو چکا تھا (سورۃ النساء ۴ ہجری میں نازل ہو چکی تھی)۔ چنانچہ ان لوگوں کے لیے لازمی تھا کہ چار گواہ پیش کرتے ورنہ خاموش رہتے۔

            فَاِذْ لَمْ یَاْتُوْا بِالشُّہَدَآءِ فَاُولٰٓئِکَ عِنْدَ اللّٰہِ ہُمُ الْکٰذِبُوْنَ: «تو جب وہ گواہ نہیں لا ئے تو اللہ کے نزدیک وہی جھوٹے ہیں۔»

            چار گواہوں کی عدم موجود گی میں اسلامی قانون کے مطابق وہ لوگ جھوٹے ہیں۔