آیت ۴۷: وَیَقُوْلُوْنَ اٰمَنَّا بِاللّٰہِ وَبِالرَّسُوْلِ وَاَطَعْنَا: «اور (کچھ لوگ وہ بھی ہیں جو) کہتے ہیں ہم ایمان لائے اللہ اور رسول پر اور ہم نے اطاعت قبول کی»

            : ثُمَّ یَتَوَلّٰی فَرِیْقٌ مِّنْہُمْ مِّنْ بَعْدِ ذٰلِکَ: «پھر اس کے بعد ان میں سے ایک فریق پیٹھ پھیر جاتا ہے۔»

            یہ لوگ اللہ اور اس کے رسول پر ایمان کا اقرار بھی کرتے ہیں، اطاعت کا دم بھی بھرتے ہیں لیکن اس کے بعد ان کا طرز عمل کچھ اور ہوتا ہے۔

            : وَمَآ اُولٰٓئِکَ بِالْمُؤمِنِیْنَ: «اور یہ لوگ درحقیقت مؤمن نہیں ہیں۔»