آیت ۴۸: وَاِذَا دُعُوْٓا اِلَی اللّٰہِ وَرَسُوْلِہِ لِیَحْکُمَ بَیْنَہُمْ اِذَا فَرِیْقٌ مِّنْہُمْ مُّعْرِضُوْنَ: «اور جب انہیں بلایا جاتاہے اللہ اور اُس کے رسول کی طرف کہ وہ ان کے مابین فیصلہ کریں، تو اُس وقت ان میں سے ایک گروہ کنی کترا جاتا ہے۔»

            منافقین کے اس رویے کا ذکر سورۃ النساء میں بھی آیا ہے۔ یہ لوگ فیصلوں کے لیے اپنے تنازعات رسول اللہ کے بجائے یہودیوں کے پاس لے جانے کو ترجیح دیتے تھے۔ اس لیے کہ حضور کے فیصلے مبنی بر انصاف ہونے کی وجہ سے عام طور پر ان کے خلاف ہی جاتے تھے۔