آیت ۲۱   فَفَرَرْتُ مِنْکُمْ لَمَّا خِفْتُکُمْ: ’’پھر میں تمہارے ہاں سے بھاگ گیا جب مجھے تم سے خوف محسوس ہوا‘‘

      اس واقعہ کے بعدمیں تم لوگوں سے ڈر کر تمہارا یہ علاقہ چھوڑ کر چلا گیا۔

      فَوَہَبَ لِیْ رَبِّیْ حُکْمًا وَّجَعَلَنِیْ مِنَ الْمُرْسَلِیْنَ: ’’پھر میرے رب نے مجھے حکم عطا کیا اور مجھے رسولوں میں سے بنا دیا۔‘‘

      اب اللہ تعالیٰ نے مجھے نبوت و رسالت سے سرفراز فرمایا ہے اور حکمت او ر قوتِ فیصلہ کی دولت بھی عطا کی ہے۔