آیت ۶۵   قُلْ لَّا یَعْلَمُ مَنْ فِی السَّمٰوٰتِ وَالْاَرْضِ الْغَیْبَ اِلَّا اللّٰہُ: ’’آپؐ کہہ دیجیے کہ جو کوئی بھی آسمانوں اور زمین میں ہیں، کسی کو بھی غیب کا علم نہیں سوائے اللہ کے۔‘‘

      وَمَا یَشْعُرُوْنَ اَیَّانَ یُـبْعَثُوْنَ: ’’ اور انہیں تو یہ بھی نہیں معلوم کہ انہیں کب اٹھایا جائے گا۔‘‘

      یعنی وہ لوگ جو فوت ہو چکے ہیں، چاہے وہ اولیاء اللہ ہوں یا کوئی اور، اس دنیا سے جانے کے بعد وہ عالم برزخ میں ہیں اور وہاں انہیں کچھ معلوم نہیں کہ انہیں کب دوبارہ زندہ کر کے اٹھایا جائے گا۔