آیت ۵۰   فَاِنْ لَّمْ یَسْتَجِیْبُوْا لَکَ: ’’پھر اگر یہ لوگ آپؐ کی بات کو قبول نہ کریں‘‘

      آپ ؐکی اس دلیل کو بھی اگر یہ لوگ تسلیم نہ کریں :

      فَاعْلَمْ اَنَّمَا یَتَّبِعُوْنَ اَہْوَآئَہُمْ: ’’تو جان لیں کہ یہ لوگ صرف اپنی خواہشات کی پیروی کررہے ہیں ۔‘‘

      وَمَنْ اَضَلُّ مِمَّنِ اتَّبَعَ ہَوٰہُ بِغَیْرِ ہُدًی مِّنَ اللّٰہِ: ’’اور اُس شخص سے بڑھ کر کون گمراہ ہوگا جواپنی خواہشات کی پیروی کر رہا ہو، اللہ کی طرف سے کسی ہدایت کے بغیر!‘‘

      اِنَّ اللّٰہَ لَا یَہْدِی الْقَوْمَ الظّٰلِمِیْنَ: ’’یقینا اللہ ایسی ظالم قوم کو ہدایت نہیں دیتا۔‘‘