آیت 199:    وَاِنَّ مِنْ اَہْلِ الْکِتٰبِ لَـمَنْ یُّؤْمِنُ بِاللّٰہِ:  ’’اور بے شک اہل کتاب میں وہ بھی ہیں جو ایمان رکھتے ہیں اللہ پر‘‘

              وَمَـآ اُنْزِلَ اِلَـیْکُمْ وَمَـآ اُنْزِلَ اِلَـیْہِمْ:  ’’اور اس پر بھی ایمان رکھتے ہیں جو تم پر نازل کیا گیا اور اس پر بھی جو ان کی طرف نازل کیا گیا‘‘

             خٰشِعِیْنَ لِلّٰہِ: ’’اللہ سے ڈرتے رہتے ہیں ‘‘

            ان کے دلوں میں اللہ کا خوف ہے‘ وہ عاجزی اور تواضع اختیار کرتے ہیں۔

             لاَ یَشْتَرُوْنَ بِاٰیٰتِ اللّٰہِ ثَمَنًا قَلِیْلاً:  ’’وہ اللہ کی آیات کو حقیر سی قیمت پر فروخت نہیں کرتے۔‘‘

             اُولٰٓئِکَ لَہُمْ اَجْرُہُمْ عِنْدَ رَبِّہِمْ:  ’’ایسے ہی لوگوں کا اجر ان کے رب کے پاس محفوظ ہے۔‘‘

             اِنَّ اللّٰہَ سَرِیْعُ الْحِسَابِ:  ’’یقینا اللہ جلد حساب چکانے والا ہے۔‘‘

            وہ حساب لینے میں دیر نہیں لگاتا۔