قرآن کریم > آل عمران >surah 3 ayat 27
تُولِجُ اللَّيْلَ فِي الْنَّهَارِ وَتُولِجُ النَّهَارَ فِي اللَّيْلِ وَتُخْرِجُ الْحَيَّ مِنَ الْمَيِّتِ وَتُخْرِجُ الَمَيَّتَ مِنَ الْحَيِّ وَتَرْزُقُ مَن تَشَاء بِغَيْرِ حِسَابٍ
تو ہی رات کو دن میں داخل کرتا ہے اور دن کو رات میں داخل کرتا ہے ۔ اور تو ہی بے جان چیز میں سے جاندار کو برآمد کر لیتا ہے اور جاندار میں سے بے جان چیز نکال لاتا ہے، اور جس کو چاہتا ہے بے حساب رزق عطا فرماتا ہے
آیت 27: تُوْلِـجُ الَّـیْلَ فِی النَّہَارِ: «تُو رات کو لے آتا ہے دن میں پرو کر»
وَتُوْلِـجُ النَّہَارَ فِی الَّـیْلِ: «اور پھر دن کو نکال لاتا ہے رات میں سے پرو کر۔»
وَتُخْرِجُ الْحَیَّ مِنَ الْمَیِّتِ: «اور تُو نکالتا ہے زندہ کو مردہ سے»
وَتُخْرِجُ الْمَیِّتَ مِنَ الْحَیِّ: «اور تُو نکالتا ہے مردہ کو زندہ سے۔»
اس کی بہترین مثال مرغی اور انڈا ہے۔ انڈے میں جان نہیں ہے لیکن اسی میں سے زندہ چوزہ برآمد ہوتا ہے اور مرغی سے انڈا برآمد ہوتا ہے۔
وَتَرْزُقُ مَنْ تَشَآءُ بِغَیْرِ حِسَابٍ: «اور تو دیتا ہے جس کو چاہتا ہے بے حد و حساب۔»