آیت ۲۲   وَمَنْ اَظْلَمُ مِمَّنْ ذُکِّرَ بِاٰیٰتِ رَبِّہٖ ثُمَّ اَعْرَضَ عَنْہَا: ’’اور اس سے بڑھ کر ظالم کون ہوگا جسے اُس کے رب کی آیات کے ذریعے نصیحت کی گئی مگر پھر بھی اس نے اعراض کیا۔‘‘

      اگر کوئی شخص کسی عام نصیحت کی پروا نہ کرے اور کسی شخصی فلسفہ ومنطق کو ٹھکرا دے تو اور بات ہے، چہ جائیکہ کوئی بد نصیب اللہ کی آیات پر مبنی تذکیر و نصیحت کو نظر انداز کر دے۔

      اِنَّا مِنَ الْمُجْرِمِیْنَ مُنْتَقِمُوْنَ: ’’یقینا ہم ایسے مجرموں سے انتقام لے کر رہیں گے۔‘‘