آیت ۴۸    وَلَا تُطِعِ الْکٰفِرِیْنَ وَالْمُنٰفِقِیْنَ وَدَعْ اَذٰاہُمْ وَتَوَکَّلْ عَلَی اللّٰہِ: ’’اور آپؐ ان کافروں اور منافقوں کی باتوں کا دھیان نہ کریں اور ان کی ایذا رسانی کو نظر انداز کر دیں اور اللہ پر توکل کریں ۔‘‘

         وَکَفٰی بِاللّٰہِ وَکِیْلًا: ’’ اور اللہ کافی ہے (آپؐ کے لیے) مددگار کے طور پر۔‘‘

        یہ لوگ جو چاہیں منصوبے بنا لیں اور جس قدر چاہیں آپؐ کے خلاف کوششیں کر لیں ، یہ آپؐ کا کچھ نہیں بگاڑسکیں گے۔