آیت ۴۳    وَاِذَا تُتْلٰی عَلَیْہِمْ اٰیٰتُنَا بَیِّنٰتٍ قَالُوْا مَا ہٰذَآ اِلَّا رَجُلٌ یُّرِیْدُ اَنْ یَّصُدَّکُمْ عَمَّا کَانَ یَعْبُدُ اٰبَآؤُکُمْ : ’’اور جب انہیں پڑھ کر سنائی جاتی ہیں ہماری روشن آیات، تو وہ (آپس میں ایک دوسرے سے) کہتے ہیں کہ یہ شخص تو بس یہی چاہتا ہے کہ تم کو ان سے روک دے جن کی عبادت تمہارے آباء و اَجداد کرتے تھے‘‘

        وَقَالُوْا مَا ہٰذَآ اِلَّآ اِفْکٌ مُّفْتَرًی: ’’اور وہ (یہ بھی) کہتے ہیں کہ یہ کچھ بھی نہیں ہے مگر ایک گھڑاہواجھوٹ۔‘‘

        یعنی یہ قرآن دراصل محمد کا اپنا کلام ہے جس کو وہ وحی کے نام سے پیش کر رہے ہیں۔

        وَقَالَ الَّذِیْنَ کَفَرُوْا لِلْحَقِّ لَمَّا جَآءَہُمْ  اِنْ ہٰذَآ اِلَّا سِحْرٌ مُّبِیْنٌ: ’’اور ان کافروں نے حق کے بارے میں جبکہ یہ ان کے پاس آ گیا، کہا کہ یہ کچھ بھی نہیں ہے مگر ایک کھلا ہوا جادو۔‘‘