آیت ۴۱:  اِنَّآ اَنْزَلْنَا عَلَیْکَ الْکِتٰبَ لِلنَّاسِ بِالْحَقِّ:  ’’(اے نبی!)  ہم نے آپ پر یہ کتاب نازل کر دی ہے لوگوں  کے لیے حق کے ساتھ۔ ‘‘

        فَمَنِ اہْتَدٰی فَلِنَفْسِہٖ:  ’’تو جو کوئی ہدایت کا راستہ اختیار کرتا ہے وہ اپنے ہی بھلے کے لیے کرتا ہے۔ ‘‘

        وَمَنْ ضَلَّ فَاِنَّمَا یَضِلُّ عَلَیْہَا:  ’’اور جو کوئی گمراہی اختیار کرتا ہے تو اس کا وبال اسی پر آئے گا۔ ‘‘

        وَمَآ اَنْتَ عَلَیْہِمْ بِوَکِیْلٍ:  ’’اور آپ ان کے ذمہ دار نہیں  ہیں ۔ ‘‘

        آپ ان لوگوں  کے انجام کے بارے میں  جواب دہ نہیں  ہیں ۔ آپؐ کی ذمہ داری ان تک اللہ کا پیغام پہنچانے کی حد تک ہے اور قیامت کے دن اسی کے بارے میں  آپؐ سے پوچھا جائے گا۔