آیت 117:    اِنْ یَّدْعُوْنَ مِنْ دُوْنِہ اِلَّآ اِنٰــثًا وَاِنْ یَّدْعُوْنَ اِلاَّ شَیْطٰنًا مَّرِیْدًا: ’’نہیں پکار تے یہ لوگ اللہ کے سوا مگر دیویوں کو‘ اور وہ نہیں پکارتے کسی کو سوائے سرکش شیطان کے۔‘‘

            ُیہاں پہلی مرتبہ مشرکین ِمکہ کی بات بھی ہو رہی ہے۔ مشرکین مکہ نے اپنی دیویوں کے مؤنث نام رکھے ہوئے تھے‘ جیسے لات‘ منات‘ عزی وغیرہ۔ لیکن اصل میں نہ لات کا کوئی وجود ہے اور نہ ہی منات کی کچھ حقیقت ہے۔ البتہ شیطان ضرور موجود ہے جو ان کی پکار سن رہا ہے۔