آیت 57:  وَالَّذِیْنَ اٰمَنُوْا وَعَمِلُوا الصّٰلِحٰتِ: ’’اور وہ لوگ جو ایمان لائے اور انہوں نے نیک عمل کیے‘‘

            یہاں بھی وہی فوری تقابل (simultaneous contrast) ہے کہ اہل ِجہنم کے تذکرے کے فوراً بعد اہل جنت کا تذکرہ ہے۔

             سَنُدْخِلُہُمْ جَنّٰتٍ تَجْرِیْ مِنْ تَحْتِہَا الْاَنْہٰرُ: ’’عنقریب انہیں ہم داخل کریں گے ان باغات میں جن کے دامن میں ندیاں بہتی ہوں گی‘‘

             خٰلِدِیْنَ فِیْہَآ اَبَدًا: ’’وہ رہیں گے ان میں ہمیشہ ہمیش۔‘‘

             لَہُمْ فِیْہَآ اَزْوَاجٌ مُّطَہَّرَۃٌ:’’ان کے لیے اس میں ہوں گی بڑی پاک باز بیویاں‘‘

             وَّنُدْخِلُہُمْ ظِـلاًّ ظَلِیْلاً: ’’اور ہم انہیں داخل کریں گے گھنی چھاؤں میں۔‘‘

            انہیں ایسی گہری اور ٹھنڈی چھاؤں میں رکھا جائے گا جو دھوپ کی حدت اور تمازت سے بالکل محفوظ ہو گی۔ ّ  َ

            یہاں وہ حصہ ختم ہوا جس میں اہل کتاب کی طرف روئے سخن تھا۔ اب پھر مسلمانوں سے خطاب ہے۔