آیت 56:    قُلْ اِنِّیْ نُہِیْتُ اَنْ اَعْبُدَ الَّذِیْنَ تَدْعُوْنَ مِنْ دُوْنِ اللّٰہِ:   ’’(اے نبی)  کہہ دیجیے کہ مجھے تو منع کر دیا گیا ہے ان کو پوجنے سے جن کو تم پکارتے ہو اللہ کے سوا۔،،  

            یہ لات،  منات ،  عزیٰ وغیرہ جن کو تم لوگ اللہ کے علاوہ معبود مانتے ہو ، ان کو میں  نہیں  پکار سکتا۔ مجھے اس سے منع کر دیا گیا ہے۔ مجھے تو حکم دیا گیا ہے: لَا تَدْعُوْا مَعَ اللّٰہِ اَحَدًا.   ( الجن)  کہ اللہ کے ساتھ کسی اور کو مت پکارو۔

            قُلْ لَّآ اَتَّبِعُ اَہْوَآءَکُمْ قَدْ ضَلَلْتُ اِذًا وَّمَآ اَنَا مِنَ الْمُہْتَدِیْنَ:   ’’کہہ دیجیے کہ میں  تمہاری خواہشات کی پیروی نہیں  کر سکتا،  اگر ایسا کروں  گا تو میں  گمراہ ہو جاؤں  گا اور پھر نہ رہوں  گا میں  ہدایت پانے والوں  میں ۔،،