آيت 13:  اللَّهُ لَا إِلَهَ إِلَّا هُوَ وَعَلَى اللَّهِ فَلْيَتَوَكَّلِ الْمُؤْمِنُونَ:  «الله وه هے كه اُس كے سوا كوئى اله نهيں. پس اهلِ ايمان كو الله هى پر توكل كرنا چاهيے».

          اے اهلِ ايمان! اگر تم واقعى الله پر ايمان ركھتے هو تو تمهيں يقين هونا چاهيے كه الله كى مرضى كے بغير ايك ذرّه بھى حركت نهيں كر سكتا. تمهيں معلوم هونا چاهيے كه تمهارے كرنے سے كچھ نهيں هو گا، جو كچھ بھى هو گا وه الله كى مشيت اور مرضى سے هو گا. تمهارا كام صرف يه هے كه محنت كرو اور اس كا نتيجه الله پر چھوڑ دو. اگر تم كوئى كام كرنے كى استطاعت بھى ركھتے هو، تمهارے پاس تمام وسائل بھى موجود هيں اور  تم حالات كو بھى كلى طور پر سازگار ديكھتے هو تو بھى كبھى مت كهنا كه ميں يه كام ضرور كر لوں گا. اگر تم ايسا دعوى كر بيٹھو گے تو ايمان سے دور هو جاؤ گے: ﴿وَلَا تَقُولَنَّ لِشَيْءٍ إِنِّي فَاعِلٌ ذَلِكَ غَدًا  إِلَّا أَنْ يَشَاءَ اللَّهُ﴾ {الكهف}  «اور كسى چيز كے بارے ميں كبھى يه نه كها كريں كه ميں يه كام كل ضرور كروں گا. مگر يه كه الله چاهے!» كثرتِ وسائل كے زعم ميں فتح كى اميد ركھو گے تو وهى حال هو گا جو لشكر اسلام كا وادئ حنين ميں هوا تھا. وادئ حنين ميں دشمن كى تير اندازى كى وجه سے اهلِ ايمان كى صفوں ميں ايسى بھگدڑ مچى تھى كه باره هزار كى لشكر ميں سے سيد سليمان ندوى كى تحقيق كے مطابق تين چار سو، اور ان كے استاد مولانا شبلى نعمانى كے مطابق صرف تيس چاليس لوگ حضور صلى الله عليه وسلم كے ساتھ كھڑے ره گئے تھے. سورة التوبه كى آيت: 25 ميں اس كا سبب بھى بتا ديا گيا:  ﴿إِذْ أَعْجَبَتْكُمْ كَثْرَتُكُمْ﴾ كه اس دن اهلِ ايمان ميں سے بعض لوگوں كے دلوں ميں اپنى كثرتِ تعداد كا زعم پيدا هو گيا تھا. بهرحال مؤمنين كو هر طرح كے حالات ميں الله پر هى توكل كرنا چاهيے اور صادق الايمان مؤمنين هر حالت ميں بلاشبه الله پر هى توكل كرتے هيں. يه توكل على الله بھى شجر ايمان كا وه پھول هے جو اهلِ ايمان كے دلوں اور ذهنوں كے اندر كھلتا هے. گويا يه ايمان كا تيسرا ثمره هے.

           الله تعالى نے اس دنيا ميں تهذيب وتمدن كى گاڑى كو چلانے كے ليے «علائقِ دنيوى» كے ضمن ميں بهت سى فطرى محبتيں انسان كے دل ميں ڈال دى هيں. واقعه يه هے كه ان محبتوں ميں سب سے زياده قوى محبت بيويوں اور اولاد كى محبت هے. اس طبعى محبت كى طرف اگلى آيت ميں متنبه فرمايا گيا كه اگر اس ميں حدّ اعتدال سے تجاوز هو جائے تو يهى محبت انسان كے ليے دشمنى كا روپ دھار لے گى. لهذا اس كے ضمن ميں احتياط كى ضرورت هے: