آیت 72:  فَاَنْجَیْنٰـہُ وَالَّذِیْنَ مَعَہ بِرَحْمَۃٍ مِّنَّا وَقَطَعْنَا دَابِرَ الَّذِیْنَ کَذَّبُوْا بِاٰیٰتِنَا:  ’’تو ہم نے بچا لیا اُس کو اور جو (اہل ایمان) لوگ اُس کے ساتھ تھے اپنی رحمت سے‘ اور ہم نے جڑ کاٹ دی اس قوم کی جنہوں نے ہماری آیات کو جھٹلایا تھا‘‘

            وَمَا کَانُوْا مُؤْمِنِیْنَ:  ’’اور نہیں تھے وہ ایمان لانے والے۔‘‘

            سات دن اور آٹھ راتوں تک ایک تیز آندھی مسلسل ان پر چلتی رہی اور انہیں پٹخ پٹخ کر گراتی رہی، اسی آندھی کی وجہ سے وہ سب ہلا ک ہو گئے۔ جب بھی کسی قوم پر عذاب استیصال کا فیصلہ ہو جاتا ہے تو اللہ کے رسول اور اہل ایمان کو وہاں سے ہجرت کا حکم آ جاتا ہے۔ چنانچہ آندھی کے اس عذاب سے پہلے حضرت ہود اور آپ کے ساتھی وہاں سے ہجرت کر کے چلے گئے تھے۔