قرآن کریم > هود >surah 11 ayat 102
وَكَذَلِكَ أَخْذُ رَبِّكَ إِذَا أَخَذَ الْقُرَى وَهِيَ ظَالِمَةٌ إِنَّ أَخْذَهُ أَلِيمٌ شَدِيدٌ
اور جو بستیاں ظالم ہوتی ہیں ، تمہارا رَبّ جب اُن کو گرفت میں لیتا ہے تو اُس کی پکڑ ایسی ہی ہوتی ہے۔ واقعی اُس کی پکڑ بڑی دردناک، بڑی سخت ہے
آیت ۱۰۲: وَکَذٰلِکَ اَخْذُ رَبِّکَ اِذَآ اَخَذَ الْقُرٰی وَہِیَ ظَالِمَۃٌ: «اور (اے نبی !) ایسے ہی ہوتی ہے پکڑ آپ کے رب کی، جب وہ پکڑتا ہے بستیوں کو جبکہ وہ ظالم ہوتی ہیں۔ »
جب کسی بستی میں گناہ اور معصیت کا چلن عام ہو جاتا ہے تو وہ گویا «ظلم» کی مرتکب ہو کر عذاب کی مستحق ہو جاتی ہے۔
اِنَّ اَخْذَہ اَلِیْمٌ شَدِیْدٌ: «یقینا اُس کی پکڑ بڑی دردناک بھی ہے اوربڑی سخت بھی۔ »
اللہ کی پکڑ کے بارے میں سورۃ البروج میں فرمایا گیا: اِنَّ بَطْشَ رَبِّکَ لَشَدِیْدٌ. «یقینا تیرے رب کی پکڑ بہت سخت ہے۔ »