آیت ۲۸:  الَّذِیْنَ تَتَوَفّٰٹہُمُ الْملٰٓئِکَۃُ ظَالِمِیْٓ اَنْفُسِہِمْ:  «جن (کی روحوں) کو قبض کرتے ہیں فرشتے اس حال میں کہ وہ اپنی جانوں پر ظلم کرنے والے تھے»

            ایسے لوگ جنہیں اپنی زندگی میں اللہ یاد ہے نہ آخرت، نیکی کی رغبت ہے نہ برائی سے نفرت، بس اپنی عیش کوشی اور نفس پرستی میں مگن ہیں۔ اسی حالت میں جب فرشتے ان کے پاس پروانۂ موت لے کر آ دھمکیں گے:

             فَاَلْقَوُا السَّلَمَ مَا کُنَّا نَعْمَلُ مِنْ سُوْٓءٍ:  «تو (اُس وقت) وہ اطاعت پیش کریں گے کہ ہم تو کوئی برے کام نہیں کر رہے تھے۔»

             بَلٰٓی اِنَّ اللّٰہَ عَلِیْمٌ بِمَا کُنْتُمْ تَعْمَلُوْنَ:  «(تو فرشتے کہیں گے) کیوں نہیں، اللہ خوب جانتا ہے اسے جو کچھ تم کر رہے تھے۔»

            موت کے فرشتوں کے سامنے وہ سر تسلیم خم کرتے ہوئے اپنے اسلام اور اطاعت کا اظہار کریں گے اور اس طرح ان کے سامنے بھی جھوٹ بولنے کی کوشش کریں گے۔