آیت ۱۰۰:   قُلْ لَّوْ اَنْتُمْ تَمْلِکُوْنَ خَزَآئِنَ رَحْمَۃِ رَبِّیْٓ:   «آپ کہیے کہ اگر تمہیں اختیار ہوتا میرے رب کی رحمت کے خزانوں پر»

              اِذًا لَّاَمْسَکْتُمْ خَشْیَۃَ الْاِنْفَاقِ:   «تب بھی تم ضرور روک رکھتے (انہیں) خرچ ہو جانے کے ڈر سے۔»

            اگر اللہ کی رحمت کے بے حساب خزانے تمہارے اختیار میں ہوتے تو تم لوگ اپنے فطری بخل کے سبب اُن کے دروازے بھی بند کر دیتے کہ کہیں خرچ ہو کر ختم نہ ہو جائیں۔

              وَکَانَ الْاِنْسَانُ قَتُوْرًا:   «اور انسان بہت ہی تنگ دل ہے۔»