آیت ۱۰۶:   وَقُرْاٰناً فَرَقْنٰہُ لِتَقْرَاَہُ عَلَی النَّاسِ عَلٰی مُکْث:   «اور قرآن کو ہم نے ٹکڑے ٹکڑے (کرکے نازل) کیا ہے، تا کہ آپ اسے لوگوں کو ٹھہرٹھہر کر سنائیں۔»

              وَّنَزَّلْنٰہُ تَنْزِیْلاً:   «اور ہم نے اس کو اُتارا ہے تھوڑا تھوڑا کر کے!»

            قرآن کے مختلف احکام حالات کے عین مطابق مختلف مواقع پر نازل کیے جاتے رہے تا کہ جن آیات یا احکام کی جس وقت ضرورت ہو وہی لوگوں کو پڑھ کر سنائے جائیں۔  جیسے جیسے رسول اللہ کی تحریک اور دعوت آگے بڑھتی گئی ویسے ویسے قرآن کے احکام کے ذریعے اس کے لیے فکری رہنمائی مہیا کی جاتی رہی۔  یہی وجہ ہے کہ پورا قرآن یکبارگی نازل نہیں کیا گیا۔