آیت ۲۰:  کُلاًّ نُّمِدُّ ہٰٓؤُلآَءِ وہٰٓؤُلآَءِ مِنْ عَطَآءِ رَبِّکَ:   «ہم سب کو مدد پہنچائے جا رہے ہیں، ان کو بھی اور ان کو بھی، آپ کے رب کی عطا سے۔»

            یہ دنیا چونکہ دار الامتحان ہے اس لیے جب تک انسان یہاں موجود ہیں، ان میں سے کوئی مجرم ہو یا اطاعت گزار، ہر ایک کی بنیادی ضروریات پوری ہو رہی ہیں۔  یہ اللہ تعالیٰ کی خصوصی نوازش ہے جس میں سے وہ اپنے نافرمانوں اور دشمنوں کو بھی نواز رہا ہے۔

              وَمَا کَانَ عَطَآءُ رَبِّکَ مَحْظُوْرًا:   «اور آپ کے رب کی عطا رُکی ہوئی نہیں ہے۔»

            دنیا میں اللہ تعالیٰ کی یہ عطا اور بخشش عام ہے۔  اس میں دوست اور دشمن کے امتیاز کی بنیاد پر کوئی قدغن یا روک ٹوک نہیں ہے۔