آیت ۶۴: اَلَآ اِنَّ لِلّٰہِ مَا فِی السَّمٰوٰتِ وَالْاَرْضِ قَدْ یَعْلَمُ مَآ اَنْتُمْ عَلَیْہِ: «آگاہ ہو جاؤ! یقینا اللہ ہی کے لیے ہے جو کچھ آسمانوں میں اور زمین میں ہے۔ وہ خوب جانتا ہے تم جس حال پر ہو۔»

            اللہ کو خوب معلوم ہے کہ تم ایمان و یقین کے حوالے سے کس مقام پر کھڑے ہو۔ وہ تمہارے ایمان کی کیفیت، نیت کے اخلاص اور عمل کی تڑپ کو بہت اچھی طرح جانتا ہے۔

            : وَیَوْمَ یُرْجَعُوْنَ اِلَیْہِ فَیُنَبِّهمْ بِمَا عَمِلُوْا: «اور جس دن یہ لوگ لوٹائے جائیں گے اُس کی طرف تو وہ انہیں جتلا دے گا جو کچھ بھی عمل انہوں نے کیے ہوں گے۔»

            : وَاللّٰہُ بِکُلِّ شَیْئٍ عَلِیْمٌ : «اور اللہ ہر چیز کا علم رکھنے والا ہے۔»

*** بارک اللّٰہ لي ولکم في القرآن العظیم، ونفعني وایَّاکم بالآیات والذِّکر الحکیم ***