آیت ۵۵   وَیَعْبُدُوْنَ مِنْ دُوْنِ اللّٰہِ مَا لَا یَنْفَعُہُمْ وَلَا یَضُرُّہُمْ: ’’اور وہ بندگی کرتے ہیں اللہ کے سوا اُن کی جو نہ تو انہیں کوئی نفع پہنچا سکتے ہیں اور نہ نقصان۔‘‘

      وَکَانَ الْکَافِرُ عَلٰی رَبِّہٖ ظَہِیْرًا: ’’اور یہ کافر لوگ اپنے رب کی طرف سے پیٹھ موڑے ہوئے ہیں۔‘‘

      یہ لوگ اپنے رب کی طرف متوجہ ہوتے ہی نہیں۔ ظھیر کا معنی مددگار بھی ہے اور علٰی مخالفت کے لیے آتا ہے۔ اس طرح ان الفاظ کا مفہوم ہو گا کہ کافر لوگ اپنے رب کے خلاف دوسروں کے مددگار بنتے ہیں۔