آیت ۳۲   فَاَلْقٰی عَصَاہُ فَاِذَا ہِیَ ثُعْبَانٌ مُّبِیْنٌ: ’’چنانچہ موسیٰ نے اپنا عصا ڈال دیا تو اچانک وہ ایک صریح اژدھا بن گیا۔‘‘

      واضح رہے کہ سورئہ طٰہٰ کی آیت ۲۰میں عصا کی تبدیلی ٔہیئت کے لیے ’’حَیَّۃٌ‘‘ کا لفظ استعمال ہواہے، جس کے معنی عام سانپ کے ہیں اور یہ اُس وقت کا ذکر ہے جب حضرت موسیٰؑ کو وادیٔ طویٰ میں پہلی بار اس کا تجربہ کرایا گیا تھا۔ جبکہ فرعون کے دربار میں وہ ’’ثُعْبَانٌ مُّبِیْنٌ‘‘ یعنی واضح طو رپر ایک بہت بڑا اژدھا بن گیاتھا۔