آیت ۱۵:  وَجَعَلُوْا لَـہٗ مِنْ عِبَادِہٖ جُزْءًا: ’’اور انہوں نے اُس کے بندوں میں سے اُس کا ایک جزو ٹھہرایا۔‘‘

          یعنی اُس کے بعض بندوں کو اُس کی اولاد قرار دے دیا۔ انسان کی اولاد دراصل اس کا جزو ہی ہوتا ہے۔باپ کے جسم سے ایک سیل (spermatozone) نکل کر ماں کے جسم کے سیل (ovum) سے ملتا ہے اور ان دو cells کے ملاپ سے بچے کی تخلیق ہوتی ہے ----  cells ماں اور باپ کے اپنے اپنے جسموں کے جزوہی ہوتے ہیں۔

           اِنَّ الْاِنْسَانَ لَـکَفُوْرٌ مُّبِیْنٌ : ’’یقینا انسان بہت کھلا نا شکرا ہے۔‘‘