الشعراء

اور جس سے میں یہ اُمید لگائے ہوئے ہوں کہ وہ حساب و کتاب کے دن میری خطا بخش دے گا

میرے پروردگار ! مجھے حکمت عطا فرما، اور مجھے نیک لوگوں میں شامل فرمالے

اور آنے والی نسلوں میں میرے لئے وہ زبانیں پیدا فرمادے جو میری سچائی کی گواہی دیں

اور مجھے اُن لوگوں میں سے بنادے جو نعمتوں والی جنت کے وارث ہوں گے

اور میرے باپ کی مغفرت فرما۔ یقینا وہ گمراہ لوگوں میں سے ہے

اور اُس دن مجھے رُسوا نہ کرنا جس دن لوگوں کو دوبارہ زندہ کیاجائے گا

جس دن نہ کوئی مال کام آئے گا، نہ اولاد

ہاں جو شخص اﷲ کے پاس سلامتی والا دل لے کر آئے گا، (اس کو نجات ملے گی)

اور جنت متقی لوگوں کیلئے قریب کر دی جائے گی

اور دوزخ کھلے طور پر گمراہوں کے سامنے کر دی جائے گی