الحجر

سوائے ابلیس کے کہ اُس نے سجدہ کرنے والوں میں شامل ہونے سے انکار کر دیا

اﷲ نے کہا : ’’ ابلیس ! تجھے کیا ہوا کہ تو سجدہ کرنے والوں میں شامل نہیں ہوا؟‘‘

اُس نے کہا : ’’ میں ایسا (گرا ہوا) نہیں ہوں کہ ایک ایسے بشر کو سجدہ کروں جسے تونے سڑے ہوئے گارے کی کھنکھناتی ہوئی مٹی سے پید اکیا ہے۔‘‘

اﷲ نے کہا : ’’ اچھا تو یہاں سے نکل جا، کیونکہ تو مردود ہوگیا ہے

اور تجھ پر قیامت کے دن تک پھٹکار پڑی رہے گی۔‘‘

کہنے لگا : ’’ یا رَبّ ! پھر مجھے اُس دن تک (زندہ رہنے کی) مہلت دیدے جب لوگ مرنے کے بعد دوبارہ زندہ کئے جائیں گے۔‘‘

اﷲ نے فرمایا کہ : ’’ جا پھر تجھے مہلت (تو) دے دی گئی

(مگر) ایک ایسی میعاد کے دن تک جو ہمیں معلوم ہے۔‘‘

کہنے لگا : ’’ یا رَبّ ! چونکہ تو نے مجھے گمراہ کیا ہے، اس لئے اب میں قسم کھاتا ہوں کہ ان انسانوں کیلئے دنیا میں دِلکشی پیدا کروں گا، اور ان سب کو گمراہ کر کے رہوں گا

سوائے تیرے اُن بندوں کے جنہیں تو نے ان میں سے اپنے لئے مخلص بنا لیا ہو۔‘‘